Certificats per furmatur:as professiunal:as pudais Vus retrair gratuitamain dals chantuns e dals purschiders da curs accreditads.

Il CSCP infurmescha la persuna da contact designada da l’Uffizi chantunal per la furmaziun professiunala co empustar ils attestats da la furmaziun fundamentala professiunala(AFP, AFQ e MP).

Attestats per emprendist:as pudais Vus retrair gratuitamain dals Uffizis chantunals per la furmaziun professiunala e da las instituziuns accreditadas.

La vignetta per manaschis d’emprendissadi è ina renconuschientscha als manaschis d’emprendissadi per lur engaschi en la furmaziun professiunala. Las vignettas pudais Vus retrair exclusivamain dals Uffizis chantunals per la furmaziun professiunala.

Per pudair calcular la nota d’experientscha a la fin da la furmaziun fundamentala professiunala, vegnan notadas tut las notas dals semesters respectivs sin ils fegls da notas d’experientscha (per tudestg).

L’applicaziun stampa en seria dals contracts d’emprendissadi gida da rediger plirs contracts d’emprendissadi en in pass. Quella è sumeglianta a las funcziuns da las brevs da seria enconuschentas da las applicaziuns dad Office.

Il program dals contracts d’emprendissadi è adattà surtut per manaschis pitschens e mesauns che vulan administrar a moda centrala ils contracts d’emprendissadi ed ils rapports da furmaziun da lur emprendist:as.

La datoteca ZIP cuntegna in PDF cun ils URLs curts e cun ils codes QR respectivs per l’agen diever.

Der Ablaufplan der Lehrzeit unterstützt Berufsbildner/innen dabei, alle Phasen der Ausbildung zu planen, wichtige Aufgaben und Termine im Blick zu behalten und die berufliche Grundbildung strukturiert umzusetzen.

Il formular per il contract d’emprendissadi è valaivel sin plaun naziunal per tut las furmaziuns fundamentalas professiunalas da dus, trais u quatter onns.

Il rapport da furmaziun permetta ad ils:las furmatur:as professiunal:as da preparar, realisar e documentar a moda efficazia il discurs da qualificaziun semestril cun ils:las emprendist:as.

Il formular per il contract da praticum s’orientescha al contract d’emprendissadi standardisà sin plaun naziunal, resguarda dentant las cundiziuns spezialas dals praticums.

Il manual davart la furmaziun fundamentala professiunala è in instrument da lavur independent da la branscha per manaschis d’emprendissadi. El furnescha a furmatur:as professiunal:as ils instruments necessaris per la furmaziun en il manaschi. Ultra da quai declera el a moda detagliada il sistem da furmaziun professiunal da la Svizra.

Il lexicon è in’ovra da referenza per las noziuns che concernan la furmaziun professiunala. El cuntegna chavazzins che vegnan descrits en curts texts infurmativs.

Il mussavia per l’emprendissadi respunda a moda uschè concisa sco pussaivel ed a moda uschè extendida sco necessari a dumondas che sa tschentan durant in emprendissadi. Disposiziuns giuridicas vegnan explitgadas en moda simpla e bain chapaivla.

Cun QualCI stat a disposiziun als purschiders da curs intermanaschials (CI) ed a lur partenaris in instrument simpel per mesirar e meglierar la qualitad da la furmaziun.

La QualiCarte è in instrument independent da la furmaziun per valitar la qualitad da la furmaziun en il manaschi.

Il dossier da selecziun è in med d’agid per eleger ed engaschar emprendist:as. Cun agid dal questiunari po il discurs da preschentaziun vegnir fatg tenor ina successiun logica.

En la documentaziun d’emprender da la furmaziun fundamentala professiunala pon emprendist:as da tut las professiuns documentar las lavurs impurtantas e las cumpetenzas ed enconuschientschas acquistadas durant l’emprendissadi.

Ils fegls d’infurmaziun cumpiglian infurmaziuns cumpactas orientadas a la pratica ed illustreschan pussaivladads d’agir. A la fin èn inditgadas adressas e colliaziuns impurtantas.