Tenor l'artitgel 8 da la Lescha federala davart la furmaziun professiunala (LFPr)  èn tut ils purschiders da la furmaziun professiunala (manaschis d'emprendissadi, scolas professiunalas spezialisadas, centers da curs intermanaschials, etc.) obligads da garantir la qualitad ed il svilup da la scolaziun. 

La QualiCarte è in instrument per sviluppar la qualitad da la furmaziun en la pratica professiunala. La QualCI è in instrument per purschiders da curs intermanaschials che permetta da mesirar e meglierar la qualitad da la scolaziun.

Set motivs per duvrar la QualiCarte

Cun la QualiCarte po il manaschi d'emprendissadi

• scuvrir il potenzial da meglierar l'atgna prestaziun da scolaziun;
• meglierar a moda persistenta la qualitad da la scolaziun;
• augmentar l'attractivitad da l'agen manaschi sco lieu da scolaziun;
• optimar la tscherna da las emprendistas e dals emprendists;
• minimar il privel d'interrupziuns da l'emprendissadi;
• far in'autoevaluaziun;
• survegnir sustegn en il process per ina permissiun per la furmaziun.

Questiunari per manaschis d’emprendissadi

La QualiCarte è destinada en emprima lingia per l'autoevaluaziun (annuala) da la furmaziun en il manaschi. I po dentant er esser che l'uffizi chantunal da la furmaziun professiunala u l'organisaziun dal mund da lavur vul vesair la QualiCarte emplenida a chaschun d'ina visita dal manaschi. En quest cas èsi da mussar quella.

• QualiCarte: form interactive for apprenticeship host companies [PDF, 586.74 KB]telechargiar
• QualiCarte: Manual with explanatory Notes on Quality Requirements (In German) [PDF, 172.58 KB]telechargiar

Questiunari per las emprendistas ed ils emprendists 

Cun quest questiunari pon las emprendistas ed ils emprendists giuditgar la qualitad da lur furmaziun professiunala. Tut las dumondas sa basan sin ils criteris da qualitad da la QualiCarte. Ils dus instruments permettan al manaschi d'emprendissadi da cumparegliar las valitaziuns da las furmaturas professiunalas e dals furmaturs professiunals e quellas da las emprendistas e dals emprendists.  

• QualiCarte: Questionnaire for Apprentices [PDF, 586.1 KB]telechargiar
• QualiCarte: Questionnaire for Apprentices (In German) [Word, 26.5 KB]telechargiar

• QualüK Card: Interactive Form (In German) [PDF, 545.15 KB]telechargiar
• QualüK Handbook: Tool for Assessing the Quality of Inter-Company Courses (In German) [PDF, 1.97 MB]telechargiar

Cumissiuns SP&Q

Las cumissiuns per il svilup professiunal e la qualitad (cumissiuns SP&Q) procuran per la qualitad ed il svilup da las furmaziuns fundamentalas professiunalas, per l'optimaziun e l'actualisaziun dals documents da basa sco era per il svilup dals profils professiunals.   

Las cumissiuns SP&Q sa cumponan da represchentantas e represchentants da las organisaziuns dal mund da lavur incl. represchentanzas da las furmaturas professiunalas e dals furmaturs professiunals, da la Confederaziun (Secretariat da stadi per furmaziun, retschertga ed innovaziun) e dals chantuns (Conferenza svizra dals uffizis da la furmaziun professiunala). La funcziun, las incumbensas, las cumpetenzas e las modas da proceder da las cumissiuns SP&Q èn descrittas detagliadamain en il document "Agid d'orientaziun per las cumissiuns svizras per il svilup professiunal e la qualitad (cumissiuns SP&Q). 

• B&Q Committees: A Brief Overview (In German) [PDF, 609.54 KB]telechargiar
• B&Q Committees: Guidance for the Committees for Professional Development and Quality (In German) [PDF, 1.72 MB]telechargiar

Funtauna: maletg da teaser da la pagina «Garantir la qualitad da la scolaziun» da stevepb sur Pixabay