Tscherner emprendist:as
Ina procedura da tscherna gista e transparenta
La recrutaziun conscienziusa d'emprendist:as è in pass impurtant per il success da mintga manaschi d'emprendissadi e per il svilup professiunal da la persuna en in emprendissadi. Ina procedura da tscherna transparenta, gista e bain ponderada garantescha che tant ils basegns dal manaschi sco era da las candidatas e dals candidats vegnian resguardads optimalmain.
Recumandaziuns per manaschis d'emprendissadi:
- Stgaffir transparenza: Infurmai sin Vossa pagina-web davart il dumber da plazzas d'emprendissadi avertas, il profil d'exigenzas giavischà specific per il manaschi, il decurs da la procedura da tscherna ed ils documents d'annunzia necessaris ch'èn d'inoltrar.
- Integrar furmatur:as professiunal:as: Involvai en il process da tscherna las persunas che lavuran pli tard cun ils:las emprendist:as
- Fairness ed avertadad: Ina procedura da tscherna averta e gista meglierescha l'image da Vossa interpresa e promova la motivaziun da Voss:as candidat:as.
Glista da controlla per la procedura da tscherna
La preparaziun
Publitgar la plazza d'emprendissadi
Examinar las annunzias
Il discurs da preschentaziun
Il fufragnadi
La procedura da decisiun
Il contract d'emprendissadi
Il cumenzament da l'emprendissadi
Il dossier da selecziun
Il formular «dossier da selecziun», edì dal CSCP, serva sco instrument per il discurs da preschentaziun e sco deposit d'actas. Cun agid dal questiunari po il discurs da preschentaziun vegnir fatg tenor ina successiun logica. Sche tut ils:las candidat:as vegnan dumandad:as cun agid dal questiunari, han ils:las furmatur:as professiunal:as ina basa sistematica che pussibilitescha ina cumparegliaziun objectiva per prender ina decisiun ed il medem mument in'argumentaziun fundada per acceptar u refusar in'emprendist:a. Uschia vegn simplifitgà il proceder da tscherna per ils manaschis d'emprendissadi ed ils:las furmatur:as professiunal:as spargnan temp. Ils:las utilisad:ras pon modifitgar l'instrument tenor lur agens giavischs.
- Selection records: form interactive [PDF, 589 KB]
