Concluder il contract da praticum
Garanzia giuridica per ils praticums da scola
Praticantas e praticants èn giuvenils en l’emprendissadi che lavuran per in temp limità durant lur scolaziun en in’interpresa per rimnar là experientschas praticas e survegnir in’invista en il mund professiunal.
Il formular dal contract da praticum sa basa tant sco pussaivel sin il contract d’emprendissadi standardisà sin plaun naziunal, tegna dentant quint da las circumstanzas particularas dals praticums.
Il formular interactiv permetta d’emplenir il contract, d’al stampar e d’al memorisar en il sistem d’administraziun dal manaschi.
- Contract da praticum: form interactiv [PDF, 556.25 KB]
Duas variantas per il diever dal contract da praticum
I dat duas variantas per il diever dal contract da praticum. Quellas permettan da tegnair quint dals basegns differents dals chantuns. Ils chantuns pon decider libramain, sch’els vulan duvrar la varianta 1 u la varianta 2.
Varianta 1
Varianta 2
GRUPPA EN MIRA: FFS
Ils giuvenils che absolvan ina furmaziun fundamentala en scola (FFS), saja quai en ina scola media commerziala, ina scola media d’economia u en in’instituziun da furmaziun privata renconuschida etc., fan ina part da lur experientschas professiunalas en in manaschi da praticum. En scolas medias commerzialas po la furmaziun pratica era vegnir offerta entaifer la scola.
Ulteriuras infurmaziuns chattais Vus qua .
