Plan da l'andament da l'emprendissadi

Ils emprims onns sco furmatur:a professiunal:a èn marcads da novas incumbensas, situaziuns nunusitadas, da differents partenaris ed utensils sco era da termins ch'i vala da respectar. I po daventar difficil d'administrar la massa d'infurmaziuns. 

Il plan da l'andament da l'emprendissadi tegna quint precis a quest basegn. Tenor il motto „uschè pauc sco pussaivel, però uschè bler sco necessari“ dat el ina clera survista davart tut las incumbensas impurtantas e tut ils termins decisivs, davart recumandaziuns, colliaziuns ed ils documents relevants per furmatur:as professiunal:as. El cumpiglia tut las fasas da l'emprendissadi – davart il profil d'exigenzas fin a l'attestat da l'emprendissadi – e sustegna ils manaschis da planisar e realisar la furmaziun professiunala da basa.

Il plan da l'andament è concepì a moda simpla e cumpiglia texts curts e concis. El po vegnir utilisà en tut ils chantuns e per tut las professiuns. En pli renviescha el en mintga fasa da l'emprendissadi a medias existentas dal CSCP e d'autras instanzas uffizialas.

Gruppa en mira

• furmatur:as professiunalas en manaschis d'emprendissadi
• uffizis chantunals per la furmaziun professiunala e purschiders da curs accreditads
• persunas che tschertgan in instrument d'orientaziun e da planisaziun cler e survesaivel durant l'emprendissadi

Telechargiar il PDF

Vus pudais telechargiar gratuitamain il document da PDF che cumpiglia differentas colliaziuns

• Plan da l'andament da l'emprendissadi: cun colliaziuns [PDF, 599.78 KB]telechargiar
• Plan da l'andament da l'emprendissadi: Versiun stampada senza colliaziuns [PDF, 468.5 KB]telechargiar

Versiun stampada / poster

Il poster pudais Vus empustar via il shop dal CSCP: shop.sdbb.ch

Il chantun Grischun dastga gugent sa drizzar per mail a la furmaziun berufsbildung@sdbb.ch, premess che l’interess per in poster rumantsch è avant maun.