Curs per furmatur:as professiunal:as (40h)
Remartga: La concepziun dal curs vegn surlaschada a las instituziuns che porschan il curs. Sco Conferenza svizra dals uffizis da la furmaziun professiunala accentuain nus dentant l’impurtanza da las discussiuns dals cas e dal barat d’experientschas tranter las participantas ed ils participants dals curs. Per quest intent recumandain nus da planisar temp avunda e d’applitgar furmas d’instrucziun adattadas (analogas u digitalas). Er ils secturs tematics transversals (digitalisaziun, svilup persistent ed egualitad da las schanzas, cf. chap. 5.5 en il plan d’instrucziun general dal SEFRI) duain vegnir tematisads a moda adequata en il curs.
- SBBK: Curriculum for the Course for Vocational Trainers in Host Companies (40 hours) (In German) [PDF, 66.46 KB]
Las finamiras da furmaziun e las cumpetenzas necessarias èn menziunadas en ils elements d’accordeon sutvart. Cun avrir ils singuls elements chattais Vus la(s) pagina(s) correspundenta(s) sin furmaziunprof.ch, ils chapitels respectivs en il manual davart la furmaziun fundamentala professiunala ed ils numers appartegnents da la QualiCarte.
Finamira da furmaziun 1: Concepir la relaziun cun las emprendistas ed ils emprendists sco process interactiv
1.1 Furmatur:as professiunal:as preparan l’arrivada da las emprendistas e dals emprendists: ellas ed els mussan l’organisaziun dal manaschi (surtut lur responsabladads) e las reglas da cumportament.
1.2 Furmatur:as professiunal:as èn capab:las da manar discurs a moda cumpetenta per promover las emprendistas ed ils emprendists.
1.3 Furmatur:as professiunal:as vesan eventuals problems e prendan las mesiras necessarias ensemen cun ils partenaris da furmaziun.
1.4 Furmatur:as professiunal:as realiseschan mesiras che sustegnan il svilup professiunal e persunal, l’independenza e las cumpetenzas socialas da las emprendistas e dals emprendists.
Finamira da furmaziun 2: Planisar e realisar la furmaziun en il manaschi
2.1 Furmatur:as professiunal:as enconuschan il plan d’instrucziun ed ils instruments per promover la furmaziun en il manaschi.
2.2 Furmatur:as professiunal:as planiseschan l’andament da la furmaziun uschia che tut ils elements dal plan d’instrucziun èn integrads.
2.3 Furmatur:as professiunal:as determineschan finamiras cleras e mesirablas.
2.4 Furmatur:as professiunal:as planiseschan, mussan e decleran las metodas ed ils process da lavur.
2.5 Furmatur:as professiunal:as procuran che las emprendistas ed ils emprendists vegnian integra:das a moda adequata en ils process dal manaschi ed en l’organisaziun da la lavur.
2.6 Furmatur:as professiunal:as examineschan ils resultats da la lavur da las emprendistas e dals emprendists tenor criteris qualitativs e quantitativs.
2.7 Furmatur:as professiunal:as sensibiliseschan las emprendistas ed ils emprendists per l’impurtanza da l‘emprender per vita duranta.
2.8 Furmatur:as professiunal:as examineschan l’atgna realisaziun cun metodas adattadas per garantir il svilup e la qualitad (p.ex. QualiCarte).
Finamira da furmaziun 3: Tscherner, promover e valitar las emprendistas ed ils emprendists
3.1 Furmatur:as professiunal:as determineschan il profil d’exigenzas da las emprendistas e dals emprendists, a basa da las exigenzas da la professiun e dal manaschi.
3.2 Furmatur:as professiunal:as enconuschan las metodas ed ils instruments da selecziun (p.ex. discurs da preschentaziun, tests, emprendissadis da fuffergnadi) e pon applitgar quellas a moda determinada e cumpetenta.
3.3 Furmatur:as professiunal:as san crear in rapport da furmaziun tenor las directivas ed exigenzas metodicas da la professiun.
3.4 Furmatur:as professiunal:as analiseschan las prestaziuns, pon introducir en cas da basegn las mesiras da sustegn e da promoziun correspundentas e san co inoltrar ina dumonda per la cumpensaziun dals dischavantatgs.
3.5 Furmatur:as professiunal:as èn conscient:as da l’impurtanza da la documentaziun d’emprender ed enconuschan las metodas d’emplenir quel.
Finamira da furmaziun 4: Las cundiziuns generalas da la furmaziun professiunala
4.1 Furmatur:as professiunal:as enconuschan l’ordinaziun e la procedura da qualificaziun da la professiun correspundenta.
4.2 Furmatur:as professiunal:as enconuschan las prescripziuns legalas che concernan l’activitad sco furmatur:as surtut en connex cun il contract d’emprendissadi ed ils differents tips da la furmaziun fundamentala.
4.3 Furmatur:as professiunal:as collavuran cun las represchentanzas legalas, las autoritads chantunalas, las organisaziuns dal mund da lavur, las scolas professiunalas spezialisadas, las instituziuns che porschan curs intermanaschials ed ils posts da cuss
4.4 Furmatur:as professiunal:as applitgeschan a moda confurma las directivas dal dretg da lavur concernent la furmaziun professiunala, la segirezza da la lavur e la protecziun da la sanadad (surtut annexa 2 dal plan d’instrucziun), la protecziun da las da
4.5 Furmatur:as professiunal:as èn sensibilisa:das per las sfidas specificas da las emprendistas e dals emprendists, pon porscher agid e nizzegian las purschidas da cussegliaziun.
Las basas legalas dal plan d’instrucziun
Ils chantuns han l’incumbensa da procurar per la scolaziun da las furmatur:as professiunal:as (art. 45 LFP ). Tenor l’art. 44 LFP pon las 100 uras d’instrucziun previsas per acquistar la qualificaziun pedagogic-professiunala per furmatur:as en manaschis d’emprendissadi vegnir remplazzadas cun 40 lecziuns da curs. Questa via da scolaziun maina ad in attestat da curs chantunal renconuschì sin plaun federal.
Il «Plan d’instrucziun general per persunas responsablas per la furmaziun professiunala», publitgà dal SEFRI, na definescha betg il cuntegn da questas 40 lecziuns da curs. Perquai han ils chantuns formulà in plan d’instrucziun ch’è vegnì approvà da la Conferenza svizra dals uffizis da la furmaziun professiunala CSFP.
Dal «Plan d’instrucziun general per persunas responsablas per la furmaziun professiunala » èn vegnidas surpigliadas la structura e la terminologia (finamiras da furmaziun, cuntegns, standards) sco basa cuminaivla. La furma e la concepziun dals curs èn chaussa dals singuls chantuns e pon divergiar.
