Manual davart la furmaziun fundamentala professiunala
L'instrument da lavur per furmatur:as professiunal:as
Il manual davart la furmaziun fundamentala professiunala è in instrument da lavur indispensabel per tut ils manaschis d'emprendissadi, independentamain da la branscha. El infurmescha a moda cumplessiva davart tut ils aspects impurtants da la furmaziun fundamentala professiunala. Ultra d'in mussavia detaglià porscha il manual numerus meds d'agid sco glistas da controlla e models che faciliteschan il mintgadi da scolaziun. Il manual è per las furmaturas professiunalas e per ils furmaturs professiunals in med da consultaziun indispensabel en tut las dumondas: dals emprims pass da la scolaziun sur il contract d'emprendissadi fin a las mesiras da sustegn e las basas legalas.
Grazia al manual survegnan furmatur:as professiunal:as e manad:ras da curs ina chapientscha approfundada dal sistem da la furmaziun professiunala en Svizra. El permetta da concepir la scolaziun a moda effizienta e d'ademplir las incumbensas pedagogicas. Ultra da quai garantescha el che furmatur:as professiunal:as e manad:ras da curs sajan bain infurmad:as e possian realisar la scolaziun tenor las prescripziuns legalas.
Cuntegn e structura dal manual
Part A: La furmaziun fundamentala professiunala dad A fin Z
Part B: Temas da support
Fegls d'infurmaziun
Glistas da controlla e formulars
Exempels da la pratica
Retrair il manual
Il manual davart la furmaziun fundamentala professiunala è disponibel gratuitamain sco PDF en las linguas tudestg, franzos e talian. Il PDF na cuntegna nagin lexicon da la furmaziun professiunala, perquai che quel è disponibel gia sco versiun online . Ils manuals electronics gia retratgs pon vegnir utilisads vinavant.
Cumprar il manual stampà en la butia online
- Basic In-Company Training Manual (In German) [PDF, 19.52 MB]
- Basic In-Company Training Manual (Part A) (In German) [PDF, 9.82 MB]
- Basic In-Company Training Manual (Part B) (In German) [PDF, 4.25 MB]
- Glossary of Vocational and Professional Education and Training [PDF, 3.07 MB]
La versiun stampada dal manual pudais Vus empustar per CHF 75.00 en la butia dal CSCP .
INFO PER ILS CHANTUNS ED ILS PURSCHIDERS DA CURS ACCREDITADS
Ils chantuns ed ils purschiders accreditads da curs per furmatur:as professiunal:as pon retrair gratuitamain il manual stampà per participant:as cun agid dal formular d'empustaziun.
Formular d'empustaziun per ils chantuns e purschiders da curs accreditads
