Cuminanza da manaschis d'emprendissadi
Soluziuns pussaivlas per manaschis pli pitschens
La cuminanza da manaschis d'emprendissadi è ina furma d'organisaziun particulara per la furmaziun fundamentala professiunala. Dus u plirs manaschis cun activitads cumplementaras sa reuneschan ad ina cuminanza da manaschis d'emprendissadi e scoleschan cuminaivlamain emprendist:as. La finamira da questa collavuraziun è d'intermediar a la persuna che emprenda ina scolaziun confurma a l'ordinaziun, profitond da las resursas cuminaivlas, e da reducir ils sforzs da scolaziun dals singuls manaschis. Uschia pon era manaschis spezialisads sa participar a la furmaziun fundamentala professiunala.
In manaschi principal u in'organisaziun principala (societad simpla, federaziun professiunala u associaziun professiunala, uniun, etc.) surpiglia la responsabladad per l'organisaziun da la furmaziun e represchenta la cuminanza vers anora. Per distgargiar da la lavur administrativa po ultra da quai in secretariat extern surpigliar la recrutaziun da las emprendistas e dals emprendists e las incumbensas administrativas da la cuminanza.
La collavuraziun tranter il manaschi principal resp. l'organisaziun principala e las cuminanzas da manaschis vegn reglada en in contract. Il contract d'emprendissadi vegn concludì tranter il manaschi principal resp. l'organisaziun principala e la persuna che emprenda.
- Factsheet 19: Host Company Networks (In German) [PDF, 75.12 KB]
- Factsheet 20: Establishing and Developing a Host Company Network (In German) [PDF, 72.22 KB]
