Co reglar las absenzas
Absenzas da furmatur:as professiunal:as ed emprendist:as
Absenzas da las persunas ch'emprendan
Absenzas da las persunas ch'emprendanLas persunas ch'emprendan n'èn betg preschentas en il manaschi, cura ch'ellas han scola, curs extramanaschials u vacanzas. Questas absenzas èn integradas en il plan da furmaziun individual.
Ultra da quai èn permessas absenzas per ademplir las obligaziuns legalas, absenzas pervi da malsogna ed accident sco era pervi da congedis per giuvenils ed auters motivs. La durada da l'absenza dependa da l'occasiun e sa drizza tenor il contract, il contract collectiv da lavur, il contract normal da lavur, il reglament d'interpresa, la regulaziun dal lieu, dal manaschi u da la branscha. In'obligaziun generala da cuntinuar cun il pajament dal salari per il temp d'absenza na datti betg. Per regla n'èsi dentant betg permess da far deducziuns da la paja mensila pervi d'absenzas.
Co reglar las differentas absenzas
Scola professiunala spezialisada, curs intermanaschials, instrucziun da maturitad professiunala
Vacanzas, congedi per giuvenils ed autras absenzas
Malsogna ed accident
Absenzas da las furmaturas e dals furmaturs
Sche las furmaturas professiunalas ed ils furmaturs professiunals na pon betg esser preschent:as persunalmain, pon ellas incumbensar autras forzas qualifitgadas dal manaschi che intermedieschan a las persunas ch'emprendan ina part da la pratica professiunala. Sco forza qualifitgada valan persunas cun ina furmaziun fundamentala professiunala terminada en il sectur da la persuna ch'emprenda u persunas che disponan d'ina qualificaziun equivalenta. La responsabladad resta er en questa cas tar las furmaturas ed ils furmaturs.
La summa dals pertschients da plazzas da tut las furmaturas e da tut ils furmaturs en il manaschi è decisiva per il dumber maximal da las emprendistas e dals emprendists e vegn fixada en il contract d'emprendissadi. Il dumber maximal da las emprendistas e dals emprendists è definì en las ordinaziuns da furmaziun da las professiuns correspundentas.
