Preparar il cumenzament da l'emprendissadi

Recumandaziuns per in bun cumenzament da l'emprendissadi

Preparar bain il cumenzament da l'emprendissadi è impurtant per il success da la scolaziun professiunala. Cun planisar a moda cumplessiva e resguardar ils basegns da las emprendistas e dals emprendists creais Vus ina basa solida per in temp d'emprendissadi productiv ed enritgint. Nizzegiai quest mussavia per pussibilitar a la persuna ch'emprenda in start optimal en sia vita professiunala.

Preparaziuns

Avant l'emprim di da lavur

Preparar il plaz da lavur: Guardai ch'il plaz da lavur saja endrizzà cumplettamain e pront per la persuna ch'emprenda.
Planisar il program d'introducziun: Creai in program d'introducziun detaglià per ils emprims dis e las emprimas emnas.
Infurmar la squadra: Infurmai Vossa squadra davart l'entschatta da l'emprendissadi e promovai in'atmosfera bainvulenta (cultura da bainvegni) per la persuna ch'emprenda.
Preparar ils documents: Faschai pront tut ils documents relevants, sco ils contracts da lavur e las directivas da segirezza, per surdar els a la persuna ch'emprenda

L'emprim di

Far in bainvegni persunal: Prendai temp da beneventar e preschentar persunalmain l'emprendista u l'emprendist.
Far in gir: Faschai in gir tras il manaschi e preschentai la persuna ch'emprenda a las commembras ed als commembers da la squadra.
Iniziar il program d'introducziun: Cumenzai cun il program d'introducziun planisà per dar a la persuna ch'emprenda in'invista en il manaschi ed en sias incumbensas.

Las emprimas emnas

Checklist: Preparation before the first day of work [PDF, 531.74 KB]telechargiar
Checklist: Preparing for the First Day at Work (In German) [Word, 26.21 KB]telechargiar

ASPECTS IMPURTANTS

Communicaziun: Communitgar a moda clera ed averta è essenzial per in bun cumenzament da l'emprendissadi.
Sustegn: Offri sustegn e stai a disposiziun sco persuna da contact.
Mussar stima: Renconuschai las stentas ed ils success da la persuna ch'emprenda.