Planisar l'emprendissadi
Il plan da furmaziun dal manaschi ed il plan da furmaziun individual
La finamira da la planisaziun èsi che la persuna ch'emprenda cuntanschia en il rom da la furmaziun fundamentala professiunala las finamiras determinadas ed adempleschia las pretensiuns da la pratica professiunala. La furmaziun fundamentala professiunala vegn per regla terminada cun ina procedura da qualificaziun. Durant quella sto la persuna ch'emprenda cumprovar ch'ella sa applitgar en la pratica las cumpetenzas acquistadas.
- Checklist: Planning the basic in-company training [PDF, 521.76 KB]
- Checklist: Planning Company-Based Vocational Education and Training (In German) [Word, 28.86 KB]
ILS AVANTATGS D'INA PLANISAZIUN
- realisar ina scolaziun effizienta
- avair a disposiziun agids da planisaziun per prender decisiuns
- spargnar temp per la realisar la scolaziun
- spargnar custs
- avair ina controlla sistematica dal success
- augmentar la motivaziun da tut las persunas participadas
- augmentar la segirezza da las persunas ch'emprendan e dal manaschi d'emprendissadi
L'ordinaziun da furmaziun ed il plan da furmaziun
L'ordinaziun da furmaziun da la professiun ed il plan da furmaziun respectiv èn la basa per planisar e realisar la furmaziun da basa en il manaschi. Numerusas organisaziuns dal mund da lavur mettan ultra da quai a disposiziun documents per la branscha e la professiun.
L'ordinaziun da furmaziun definescha il num exact da la professiun e la durada da la furmaziun fundamentala professiunala. Ella cuntegna era directivas per ils manaschis d'emprendissadi, surtut las pretensiuns definidas ed il dumber maximal da las emprendistas e dals emprendists che pon vegnir scolad:as a medem temp en in manaschi.
L'ordinaziun da furmaziun renviescha al plan da furmaziun. Il plan da furmaziun da la professiun è il concept pedagogic da la furmaziun fundamentala professiunala. El cuntegna las cumpetenzas d'agir che las emprendistas ed ils emprendists ston avair enfin la fin da la qualificaziun. A medem temp gida el las persunas responsablas per la furmaziun en ils manaschis d'emprendissadi, en las scolas professiunalas spezialisadas ed en ils curs intermanaschials a planisar e realisar la scolaziun.
Il cuntegn e la durada da la furmaziun fundamentala professiunala èn per la gronda part da las professiuns determinads en in plan da furmaziun. Quel po, sco l'ordinaziun da furmaziun era, vegnir retratg tar las organisaziuns dal mund da lavur responsablas u tar il SEFRI (sut Register da las professiuns).
Il plan da furmaziun dal manaschi
En il plan da furmaziun dal manaschi vegnan las finamiras e las pretensiuns dal plan da furmaziun repartidas sin ils singuls onns d'emprendissadi resp. semesters ed adattadas a l'agen manaschi d'emprendissadi (partiziuns, champs da lavur).
En intginas professiuns, en las qualas il plan da furmaziun n'è betg adattà sco instrument da planisaziun, creescha l'organisaziun dal mund da lavur responsabla in agen program da scolaziun per ils manaschis d'emprendissadi, cun agid dal qual il manaschi po crear in plan da furmaziun individual.
Per garantir in success d'emprender cumplessiv da las emprendistas e dals emprendists èsi impurtant da coordinar il plan da furmaziun dal manaschi cun l'instrucziun en ils curs intermanaschials ed en la scola professiunala spezialisada. Igl è impurtant da coordinar tant il temp sco er ils cuntegns, per garantir che las enconuschientschas teoreticas possian vegnir realisadas immediat en la pratica.
Il plan da furmaziun individual
- Template: Company Training Plan / Learning Objective Review (In German) [PDF, 102.2 KB]
En il plan da furmaziun individual vegn il plan da furmaziun dal manaschi adattà a mintga singula persuna ch'emprenda. El cuntegna criteris individuals per planisar ed examinar las finamiras e pretensiuns definidas. Cura ha lieu l'instrucziun en la scola professiunala spezialisada e cura han lieu ils curs intermanaschials? Quant temp stat effectivamain a disposiziun en il manaschi? Cura vegnan examinads il standards da furmaziun da la persuna ch'emprenda (rapport da furmaziun, documentaziun d'emprender, instruments specifics da la professiun)? Ultra da quai èsi da tegnair quint dals termins individuals da las persunas ch'emprendan, sco il temp da prova, ils curs facultativs ed ils curs da sustegn, las vacanzas, la preparaziun per la procedura da qualificaziun, etc.
- Template: Individual Vocational Training Plan (in German) [PDF, 105.66 KB]
- Template: Creating an Individual Vocational Training Plan (In German) [Word, 24.06 KB]
