Scolaziun per furmatur:as professiunal:as (100h)

La scolaziun per la qualificaziun pedagogic-professiunala cumpiglia 100 uras d'emprender. Ella furma, cumpareglià cun la qualificaziun professiunala necessaria e cun l’experientscha professiunala, in obstachel relativamain pitschen. Per la consegna dal diplom stat en il center la dumonda: «È la persuna abla da scolar a moda independenta e responsabla las emprendistas ed ils emprendists, vul dir da tscherner las persunas, accumpagnar ellas a moda professiunala e metodica e da manar ellas cun success al diplom?»

La procedura da qualificaziun sa basa sin la cumprova da la pratica da scolaziun. Uschia vegn segirada la qualitad da la furmaziun en il manaschi. Il diplom vegn cumplettà cun ulteriuras purschidas e differents instruments (QualiCarte, manual davart la furmaziun fundamentala en il manaschi, cussegliaziun da furmaziun, etc.) tras ils chantuns.

Las pretensiuns areguard l’experientscha da scolaziun per vegnir admess a la procedura da qualificaziun pon vesair ora sco suonda:

Las candidatas ed ils candidats ston avair scolà almain in semester cumplainamain ed avair manà in discurs da qualificaziun e scrit in rapport da furmaziun.
La cumprova da la pratica succeda en collavuraziun cun l’autoritad chantunala (p.ex. surveglianza da las emprendistas e dals emprendists). .

Qualification process for vocational trainers

Pretensiuns generalas per concepir las proceduras da qualificaziun

Preparaziun per la procedura da qualificaziun

Las persunas che candideschan creeschan in dossier, cun il qual ellas cumprovan ch’ellas satisfan a las pretensiuns menziunadas en la QualiCarte. Quai vala surtut per ils puncts che pertutgan directamain la lavur sco furmatur:a en il manaschi d’emprendissadi. Ils puncts che concernan plitost las pretensiuns e las incumbensas en il manaschi èn da considerar sco cumplettaziuns nizzaivlas.

Las persunas che candideschan preparan ina preschentaziun a basa dal dossier, cun la quala ellas cumprovan ils pli impurtants indicaturs en il dossier. La glista cun ils cuntegns e las directivas per la preparaziun èn da chattar en il chapitel «Mussavia per la qualificaziun».

La procedura da qualificaziun

Il diplom vegn consegnà a basa d’in dossier e da la preschentaziun da quel che cumprovan che la candidata u il candidat enconuscha la QualiCarte e la sa applitgar a moda sistematica.

Per examinar la pratica da scolaziun vegnan en dumonda differentas modalitads:

examinaziun e validaziun dal dossier senza la preschientscha da la candidata u dal candidat
preschentaziun dal dossier e discurs cun la candidata u il candidat
preschentaziun dal dossier e discurs cun la candidata u il candidat e visita en il manaschi d‘emprendissadi

Las persunas che candideschan ston cumprovar ch’ellas disponan da las cumpetenzas pretendidas en il plan da furmaziun, sin il pli pauc ch’ellas empleneschan la QualiCarte e la san applitgar en il manaschi d’emprendissadi.

Il Chantun è responsabel d’examinar che las furmaturas ed ils furmaturs professiunals correspundian a las pretensiuns respectivas en il rom da lur activitad da furmaziun en il manaschi d’emprendissadi. Il diplom duai garantir che la furmatura u il furmatur realiseschia las mesiras per segirar la qualitad.

Consegna da l’attestat da curs en cas d'ina sistida da la scolaziun

Mussavia per la qualificaziun sco furmatur:a professiunal:a

La qualitad da la scolaziun en il manaschi d’emprendissadi gioga ina rolla centrala per s’acquistar il diplom (100 uras d'emprender). Quai vul dir che l’activitad da las furmaturas e dals furmaturs sto vegnir valitada, qvd. mesirada.

Per pudair sa preparar a moda autonoma per la procedura da qualificaziun dovran las candidatas ed ils candidats las infurmaziuns ed ils instruments suandants:

Quests instruments furman la basa per planisar, realisar ed evaluar la scolaziun da las persunas che emprendan.

QualiCarte: form interactive for apprenticeship host companies [PDF, 586.74 KB]telechargiar
Basic In-Company Training Manual (In German) [PDF, 19.52 MB]telechargiar
SBBK: Curriculum for the Course for Vocational Trainers in Host Companies (40 hours) (In German) [PDF, 66.46 KB]telechargiar
SERI: Framework Curricula for Vocational Education and Training Professionals (In German) [PDF, 1.74 MB]telechargiar

La QualiCarte sco mussavia per la procedura da qualificaziun

La QualiCarte serva sco fil cotschen per sa preparar per la procedura da qualificaziun. Las candidatas ed ils candidats pon crear in dossier a basa da la QualiCarte ed uschia documentar lur cumpetenzas acquistadas en il rom da la scolaziun pratica. A las persunas che candideschan vegn concedì in grond spazi d’agir.

Ils indicaturs da la QualiCarte gidan ad elavurar il dossier. Ultra da quai gidan els da sa preparar per la procedura da qualificaziun e da crear las agiuntas adattadas:

Realisaziun da la procedura da qualificaziun

List of indicators from the QualiCarte. [PDF, 75.31 KB]telechargiar
QualiCarte: Manual with explanatory Notes on Quality Requirements (In German) [PDF, 172.58 KB]telechargiar

Ils chantuns relaschan l’urden d’examen cun las finamiras da furmaziun che vegnan examinadas en il rom da la procedura da qualificaziun. Las instituziuns che porschan ils curs orienteschan las persunas candidatas davart eventuals meds d’agid lubids (p.ex. persuna da contact che po vegnir cuntanschida per e-mail u telefon u autras mesiras da sustegn sco curs spezials, discurs individuals e da gruppa, paginas-web, etc.). L’examinaziun dal dossier resp. la procedura da qualificaziun (discurs u examen final) po far l’uffizi chantunal da la furmaziun professiunala sez u delegar quai ad autras instituziuns (scolas publicas u privatas, organisaziuns dal mund da lavur).

Guide to the qualification process for vocational trainers