Unterstützende Massnahmen

Emprendistas u emprendists cun difficultads d'emprender sco legastenia e discalculia, cun in impediment da la vesida e/u da l'udida u autras restricziuns na dastgan betg vegnir dischavantagia:das durant la scolaziun ed en la procedura da qualificaziun. Cun il term "cumpensaziun dals dischavantatgs" vegnan definidas mesiras specificas per cumpensar eventuals dischavantatgs. 

Questas mesiras gidan d'adattar il process da scolaziun e la procedura da qualificaziun, senza però reducir las pretensiuns.  

La dumonda per ina cumpensaziun dals dischavantatgs vegn per regla inoltrada dal manaschi d'emprendissadi u da la scola professiunala spezialisada. Sch'i n'exista nagin contract d'emprendissadi (p.ex. maturitad professiunala 2), èn las persunas ch'emprendan sezzas responsablas d'inoltrar ina tala dumonda e da sa drizzar ad in post spezialisà. La cumpetenza sa differenziescha da chantun a chantun. 

eBook: Cumpensaziun dals dischavantatgs per umans cun in impediment en la furmaziun professiunala (Per tudestga)  
Rapport: Cumpensaziun dals dischavantatgs – co ch'in term mida il pensar ed agir (Per tudesdga)  
Fegl d'infurmaziun 213: La cumpensaziun dals dischavantatgs (Per tudestga)
Fegl d'infurmaziun 204: Legastenia e discalculia (Per tudesdga)  
Recumandaziun CSFP: Cumpensaziun dals dischavantatgs (matg 2023) (Per tudesdga)

L'accumpagnament individual spezialisà sustegna las persunas ch'emprendan durant lur furmaziun fundamentala professiunala da dus onns. El vegn en acziun en cas da difficultads d'emprender u da difficultads socialas e gida las giuvenilas ed ils giuvenils d'acquistar las cumpetenzas necessarias, per ch'ellas ed els possian sa sviluppar tant quai che reguarda la professiun sco era la persunalitad. Ils chantuns han mess en vigur questa mesira a moda fitg differenta.  

CSFP: Accumpagnament individual spezialisà en la furmaziun fundamentala professiunala cun AFP (Per tudesdga)
SEFRI: Accumpagnament individual spezialisà en la furmaziun fundamentala professiunala cun AFP (Per tudesdga)

La gestiun da cas en la furmaziun professiunala sa drizza a giuvenilas e giuvenils dal 7avel onn da scola fin a la vegliadetgna maximala da 25 onns cun in grond privel da betg reussir da far il pass en il mund da professiun e lavur. La purschida è destinada surtut per persunas che vivan pliras situaziuns difficilas, p.ex.: prestaziuns da scola insuffizientas, problems da sanadad, pauca motivaziun, in cumportament social difficil, pitschen u nagin sustegn da chasa. La gestiun da cas en la furmaziun professiunala duai impedir che las giuvenilas ed ils giuvenils na vegnian betg da s'integrar en il sistem da furmaziun u crodian ora da quel senza diplom. Ellas ed els duain survegnir sustegn per far in emprim diplom postobligatoric sin il stgalim secundar II e vegnir integrads en il mund da lavur. 

 

Qua chatt'ins ina survista da las organisaziuns da sustegn en ils chantuns: "Posts da consultaziun chantunals".

Per emprendistas ed emprendists che na passan malgrà repetiziun betg la procedura da qualificaziun AFP, èsi pussaivel d'emetter ina cumprova da las cumpetenzas individualas.