Stampa en seria cun tabellas Excel
Cun stampas en seria pudais Vus generar gist en in pass plirs contracts d’emprendissadi.
Proceder
Telechargiai il model Excel per registrar las datas. Registrai tut las datas da basa per ils contracts d’emprendissadi che duain vegnir fatgs en la tabella Excel. Duvrai mintgamai ina nova lingia per mintga emprendist:a. Uschia pudais Vus cumparegliar bain ina cun l’autra las indicaziuns dal contract d’emprendissadi (p.ex. paja, vacanzas, etc.). Infurmaziuns davart las colonnas e lur colliaziuns cun il formular dal contract d’emprendissadi chattais Vus en la documentaziun.
Las structuras dal model Excel na dastgais Vus betg modifitgar. Las colonnas èn colliadas cun ils champs dal formular dal contract d’emprendissadi.
Chargiai si la tabella Excel cun il formular-web sutvart. L’applicaziun creescha a basa da las datas en la tabella Excel ils contracts d’emprendissadi en il format PDF ed als metta a disposiziun a Vus per telechargiar. Quai dura in pèr minutas. Vus survegnis in messadi per e-mail, cura ch’ils contracts èn pronts per telechargiar. .
- Apprenticeship Contract: Template for Mail Merge (In German) [Excel, 14.46 KB]
- Apprenticeship Contract: Documentation for Mail Merge (In German) [PDF, 1.11 MB]
DIRECTIVAS DA SEGIREZZA EN IL NAVIGATUR
L’applicaziun è sin in agen server e vegn integrada en la pagina sco uschenumnà iFrame. Tut tenor las directivas da segirezza en il navigatur (savens definidas da l’interpresa) vegnan bloccads iFrames cun in’adressa dal server differenta. Sch’i cumpara il messadi d’errur “refused to connect” u ina surfatscha grischa empè da la funcziun, pudais Vus avrir l’applicaziun directamain (senza iFrame): stampa en seria senza iFrame
PROTECZIUN DA DATAS
Las datas vegnan chargiadas sin il server-web sur la pagina protegida via SSL cun in script PHP exequì localmain. Quel sa chatta fisicamain a Turitg. Las datotecas Excel chargiadas si ed ils contracts d’emprendissadi generads (PDF) vegnan stizzads mintga mais dal server. Las datas restan en in register dal server-web fin ch’ellas vegnan stizzadas. Ils registers èn protegids e na pon betg vegnir consultads. Las collavuraturas ed ils collavuraturs dal CSCP n’han nagin access a las datas. Las incumbensas (adressa dad e-mail e num da la datoteca Excel) vegnan memorisadas en ina banca da datas (Svizra) e puspè stizzadas entaifer 24h suenter l’execuziun.
