L'istorgia da la furmaziun professiunala
La structura dal stgalim secundar II d’ozendi è il resultat da dus moviments istorics en il temp medieval: da las scolas da latin e da la furmaziun d’emprendists. Ils paders instruivan ils students a maun da scrittiras ed als devan vinavant las enconuschientschas ed abilitads necessarias. Las mastergnanzas en las citads avevan il monopol da scolar ils emprendists. Durant il temp medieval è sa sviluppà l’emprendissadi a basa da la furmaziun artisanala.
Muments decisivs
L’idea da la scola
L’idea da l’instrucziun dal pievel
La furmaziun professiunala
La cussegliaziun professiunala
L’emprima lescha davart la furmaziun professiunala dal 1930
L’onn 1908 ha la populaziun svizra approvà la promoziun dal commerzi tras la Confederaziun. En artitgel 34 da la Constituziun federala stevi scrit: „La Confederaziun ha il dretg da far prescripziuns unitaras davart il commerzi“. Sin fundament da questa norma constituziunala èsi vegnì decidì da preparar trais leschas: ina davart la protecziun dal mastergn, ina davart la protecziun da las lavurantas e dals lavurants en l'industria ed ina davart la furmaziun professiunala. L’ultima è vegnida prendida per mauns sco emprima. Pervia da l’Emprima Guerra mundiala e da divergenzas d’opiniuns è la realisaziun dentant sa retardada.
