Finanziaziun da la furmaziun professiunala
La Confederaziun sa participescha cun 25 pertschient als custs dal maun public per la furmaziun professiunala. La gronda part da la pauschala federala vegn duvrada per las incumbensas tenor l'art. 53 al. 2 LFP . L'autezza da questas pauschalas sa drizza tenor il dumber da relaziuns da furmaziun da basa per chantun. Sche terzs èn incaricads cun las incumbensas numnadas, transmettan ils chantuns questas contribuziuns a quels.
Il rest da sia contribuziun paja la Confederaziun a:
- chantuns e terzs per finanziar projects per sviluppar la furmaziun professiunala e per sviluppar la qualitad (LFP art. 54 );
- chantuns e terzs per prestaziuns spezialas ch'èn d'in interess public (LFP art. 55 );
- terzs per realisar examens professiunals federals ed examens professiunals federals superiurs sco era per furmaziuns da scolas spezialisadas superiuras che vegnan purschidas d'organisaziuns dal mund da lavur (LFP art. 56 ).
Finanziaziun da la furmaziun professiunala da basa
Finanziaziun da la furmaziun supplementara
